33 ദിവസത്തെ മരിയൻ സമർപ്പണം

മരിയൻ സമർപ്പണം വഴി നമ്മൾ പരിശുദ്ധ കന്യക മറിയം വഴി നമ്മളെ തന്നെ പൂർണ്ണമായും ഈശോയ്ക്ക് സമർപ്പിക്കുകയാണ്. ഈശോ ഭൂമിയിൽ മനുഷ്യനായി അവതരിച്ചത് പരിശുദ്ധ കന്യക മറിയം വഴി ആണല്ലോ. അതിനാൽ ഈശോയിലേക്ക് ഉള്ള ഏറ്റവും എളുപ്പവും സുരക്ഷിതവും ആയിട്ടുള്ള വഴി മാതാവിലൂടെ ആണ്. 33 ദിവസത്തെ മരിയൻ സമർപ്പണം രണ്ടു ഘട്ടങ്ങളായി തിരിച്ചിരിക്കുന്നു. ആദ്യത്തേത് 12 ദിവസത്തെ തയ്യാറാകൽ ആണ്. ഈ ഘട്ടത്തിൽ നമ്മൾ ലോകാരൂപിയിൽ നിന്ന് സ്വതന്ത്രമാകാൻ ശ്രമിക്കുന്നു. പിന്നീട് വരുന്ന മൂന്ന് ആഴ്ചകളിൽ ഒന്നാമത്തേത് നമ്മളെ തന്നെ അറിയുന്നതിനും, രണ്ടാമത്തേത് പരിശുദ്ധ അമ്മയെ അറിയുന്നതിനും, മൂന്നാമത്തേത് ഈശോയെ അറിയുന്നതിനും ആണ് ഉപയോഗിക്കുന്നത്. ലോകാരൂപിയെ ദൂരീകരിക്കുകയാണ് ഈ സമർപ്പണത്തിന്റെ ലക്ഷ്യം. അത് ഈശോയുടെ അരൂപിക്ക് കടകവിരുദ്ധം ആണല്ലോ.