വിശ്വാസപ്രമാണം
വിശുദ്ധ ജപമാലയിൽ ചൊല്ലുന്ന പ്രാർത്ഥന.
സർവ്വശക്തനായ പിതാവും ആകാശത്തിന്റെയും ഭൂമിയുടെയും സ്രഷ്ടാവുമായ ദൈവത്തിൽ ഞാൻ വിശ്വസിക്കുന്നു. അവിടുത്തെ ഏകപുത്രനും ഞങ്ങളുടെ കർത്താവുമായ ഈശോമിശിഹായിലും ഞാൻ വിശ്വസിക്കുന്നു. ഈ പുത്രൻ പരിശുദ്ധാത്മാവിനാൽ ഗർഭസ്ഥനായി കന്യകമറിയത്തിൽ നിന്നു പിറന്നു, പന്തിയോസ് പീലാത്തോസിന്റെ കാലത്ത് പീഡകൾ സഹിച്ച്, കുരിശിൽ തറയ്ക്കപ്പെട്ട്, മരിച്ച്, അടക്കപ്പെട്ടു. പാതാളങ്ങളിൽ ഇറങ്ങി, മൂന്നാം നാൾ മരിച്ചവരുടെ ഇടയിൽ നിന്ന് ഉയിർത്തെഴുന്നേറ്റു. സ്വർഗ്ഗത്തിലേക്ക് കരേറി, സർവ്വശക്തനായ പിതാവായ ദൈവത്തിന്റെ വലത്തുഭാഗത്ത് ഇരിക്കുന്നു. അവിടെ നിന്ന് ജീവിക്കുന്നവരെയും മരിച്ചവരെയും വിധിക്കാൻ വരും. പരിശുദ്ധാത്മാവിൽ ഞാൻ വിശ്വസിക്കുന്നു. വിശുദ്ധ കത്തോലിക്കാ സഭയിൽ, പുണ്യവാന്മാരുടെ ഐക്യത്തിൽ, പാപങ്ങളുടെ മോചനത്തിൽ, ശരീരത്തിന്റെ ഉയിർപ്പിൽ, നിത്യജീവിതത്തിൽ ഞാൻ വിശ്വസിക്കുന്നു. ആമ്മേൻ.
ജപമാല ചൊല്ലുകജപമാല ചൊല്ലുന്ന വിധം